Assalamualaikum warohmarullah hiwabarokatuh
Sai ku hormati panitia pelaksanaan Lomba Pidato Bahasa Lampung. Sai ku hormati dewan juri sunyinni puji khik syukur kham sanjungko kehadirat allah SWT, andah ni taufik hidayah, jama inayah ni kham dapok berkumpul di ruangan hijo.
Mak lupa munih kham panjatko solawat sakhta salam kehadirat nabi besar Muhammad SAW Andah ni kham nanti – nanti ko safaat di yaumul kiamah amin yarobbal alamin.
Bapak – bapak, Ibu – ibu seunyinni senang khasani kham seunyin dapok berkumpul di ruangan hijo dilom rangka Lomba Pidato Bahasa Lampung, sikendua tanno haga nyappaiko pidato cutik tentang perkembangan Budaya Lampung, kham sunyinni patut berbahagia mana ampai nihan kham ngekhayako khani jadini Propinsi Lampung sai ke- 46 Tepat na Kamis 18 Maret 2010.Sai khadu – khadu Propinsi Lampung mekhupako salah satu Propinsi sai wat di Indonesia. Lampung munih salah satu Propinsi sai pekhenah Berjaya di Zaman tumbai.
Menapi sikendua ngucak ko bahwa Propinsi Lampung pekhennah Berjaya ? mana ulih kham mekhupako salah satu suku sai ngedok aksara peninggalan ulun tuha kham.
Beberapa suku sai ngedok aksara kham termasuk salah satuna anjak peninggalan ulun Tuha kham. Aksara – aksara sinno tigekhali kham ka ga nga.
Lampung tibagi jadi 2, sai pekhtama bahasa Lampung dialek api ( A ) sai kedua Bahasa Lampung dialek nyo ( O ). Bahasa Lampung dialek api ( A ) tipakai di daerah peminggir, melinting, pubiyan, komring, teluk semangka, krui, sekhta kecamatan Belalau. Sedangko Bahasa Lampung dialek Nyo ( O ) tipakai haguk masyarakat buadat pepadun.
Pekhallu tipandai kham bahasa Lampung tanno khadu kisikh lebon ulih perkembangan zaman. Contohni gawoh kham di Lampung jo di lom ngedidik sanak anjak melunik mawat lagi ngegunako Bahasa Lampung kittu makai Bahasa Indonesia lu gua ulih gengsi jama tetangga mekhabai tiucakko kuno. Kham tanno injuk mak nghargai Bahasa Lampung. Contohni di pekon – pekon, Injuk di pekon Sikendua tenggalan tepatna di pekon kenali kecamatan Belalau Kabupaten Lampung Barat. Ibu na Jama Lampung Bapakna Jama Lampung kidang dilom ngedidik sanak makai bahasa Indonesia.
Kham generasi muda dang khanno menyikapi perkembangan Budaya Lampung, kittu kham jejama ngelestariko budaya Lampung khususna bahasa Lampung. Payu kham jejama bangkit khik berusaha ngelestraiko adat Lampung. Khususna sikendua sebagai penekhus bangsa khik minak muakhi sunyinna.
Jadi khannolah minak muakhi sunyinni pidato singkatku. Kittu ya wat sai salah nyak kilu tawwai bang na ya benokh hinno sai dapok ku cekhitako. Akhir kata sikendua ngilu mahap jama kham sunyinni terutama jama panitia pelaksana lomba pidato Bahasa Lampung jama dewan juri sunyinni.jama Tuhan nyak kilu ampun
Mak tano kapan lagi
Mak kham sapa lagi
Billahi taufiq walhidayah
Wassalamualaikum wr.wb.
Tidak ada komentar:
Posting Komentar