UBAT TIRAM

Salam ngebukak cawa..
Tabik sekam ngeganggu..
Salam haguk ngebalin rasa..
Panglidaw hati tiram selalu..

Langui mik lawok jawa..
Bulanting jak hamara..
Pengatu nihan cawa..
Dimaaf nyak salah cara..

Bangikni nganik kurma..
Makngedok rasa ruwa..
Helauni kik pujajama..
Ram kumpul lalang waya..

Regah sekam jak darak..
Lapah ngalama buka..
Satimbalan diwayak..
Budaya kanjak saka..

Magatol dang dikekui..
Mantang nganik karita..
Minak muwari sa Krui..
Kasi jak luwar juga..

Helaw kumbang tisiram..
Tikecah kiwat hama..
Kekalaw kik tihepui..
Riwah tiram tirasa..

Lapah neram jejama..
Tandang mit kububata..
Payudo indai kanca..
Nyambang dija cerita..

Nangguwang anjung reba..
Genalah lamon bala..
Api gawoh carita..
Cadangki ngandung SARA..

Kepalas nganyam bena..
Rubuh disebu angin..
Kerumasku tiram nana..
Teduhku mawek balin..

Cakak nyak dipepanca..
Mejong nginom kahuwa..
Wayakku induh ranya..
Witulung lajuko juga..

Sangon budiri tumbai..
Krui mawek bubilai..
Kicawaku kacecai..
Tabikyu maaf konpai..

Gubahan jk wayak krui seangkonan sai mena rijuk